Yazını böyüt
Yazını kiçilt
Bu ilin yanvar-oktyabr ayları ərzində Gürcüstan Azərbaycana 11 870,59 min ABŞ dolları dəyərində 500,01 ton ölçülmüş dozada dərman ixrac edib.
Bu barədə APA-nın yerli bürosuna Gürcüstan Milli Statistika İdarəsindən (GEOSTAT) məlumat verilib.
Bildirilib ki, hesabat dövründə Azərbaycana ixrac edilən məhsulun dəyəri illik ifadədə 11 014,25 min dollar və ya 48,12%, həcmi isə 107,01 ton və ya 17,62% azalıb.
2019-cu ilin yanvar-oktyabr ayları ərzində Gürcüstan Azərbaycana 22 884,84 min dollar dəyərində 607,02 ton dərman ixrac edib.
2020-ci ilin yanvar-oktyabr ayları ərzində Gürcüstanın ümumi dərman ixracı illik müqayisədə 47,2% azalaraq 78 555,9 min dollar təşkil edib. Dərman ixracı Gürcüstanın ümumi ixracının 2,9%-ni təşkil edib.
