Pirotexniki vasitələrin ölkəyə qanunsuz yolla gətirilməsinin qarşısı alınıb - FOTO

17:32 07.12.2019 Müəllif:Hafta.az
Yazını böyüt
Yazını kiçilt

Pirotexniki vasitələrin ölkəyə qanunsuz yolla gətirilməsi cəhdinin qarşısı alınıb.

Dövlət Gömrük Komitəsinin Mətbuat və İctimaiyyətlə Əlaqələr İdarəsindən hafta.az-a bildirilib ki, Qərb Ərazi Baş Gömrük İdarəsinin “Qırmızı Körpü” gömrük postunda Gürcüstandan “Mercedes Benz 350” markalı avtomobil ilə gələn Azərbaycan vətəndaşı saxlanılıb. Sorğu-sual zamanı sürücü idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.

Yoxlama zamanı nəqliyyat vasitəsinin salonunda, oturacağın arxa hissəsində və yük yerində gömrük nəzarətindən gizlədilmiş üzərində “Cracker K020” yazısı olan 105 min 600 ədəd pirotexniki vasitə aşkarlanıb.

Faktla bağlı araşdırma aparılır.