Bu gün Çin - Mərkəzi Asiya beynəlxalq turist qatarı Şansi əyalətinin Sian şəhərindən Qazaxıstanın Almatı şəhərinə yola düşüb.
Hafta.az-ın yazdığına görə, Qatar qrafikə əsasən, şənbə günü Almatıya çatacaq, iyunun 5-də orada geriyə yola düşəcək və iyunun 7-də Sian şəhərinə çatacaq.
Məlumata görə, qatar Almatıya çatdıqdan sonra iki şəhər arasında bir sıra sərgilər, görüşlər, mühazirələr və yoldaşlıq futbol matçlarını əhatə edən Humanitar və Turizm Mübadilə Həftəsi başlayacaq.
Bu tədbirlər çərçivəsində qeyri-maddi mədəni irsin nümayişi, mədəni qalıqların sərgisi, ənənəvi Çin təbabəti mədəniyyətinin təbliği, arxeologiya sahəsində elmi mübadilələr, iki ölkənin qadın sahibkarlarının görüşü nəzərdə tutulub.
Xatırladaq ki, 2024-cü il Çində Qazaxıstanın Turizm İli, 2025-ci il isə Qazaxıstanda Çinin Turizm İli elan edilib.
2023-cü ilin may ayında Çin və Qazaxıstan viza tələblərindən qarşılıqlı azadlığa dair hökumətlərarası saziş imzalayıb və həmin ilin noyabrında rəsmən qüvvəyə minib. Qazaxıstan çinli turistlər arasında populyar məkana çevrilir. Statistikaya görə, 2024-cü ildə Çindən Qazaxıstana turist axını 655 min nəfər təşkil edib ki, bu da əvvəlki illə müqayisədə 78 faiz çoxdur.
-1780940155.jpg&h=173&w=263&zc=1&q=80)
