Rusiyada Sovet dövründən qalma Yeni il bəzəklərinə maraq günü-gündən artır.
Hafta.az-ın “Avito”ya istinadən yazdığına görə, bu cür bəzək əşyalarının satışı 2024-cü il ərzində 22 faiz artarkən, artım nisbəti təkcə son bir ayda 29 faizə çatıb. Xüsusilə nostalji və kolleksiyalı ornamentlər alıcıların diqqətini çəkir.
“Forbes” jurnalının rus nəşrinə görə, sovet dövründə istehsal olunan Yeni il bəzəkləri ümumiyyətlə pambıq, karton və şüşə kimi kövrək materiallardan hazırlandığından, bu günə qədər qorunub saxlanıla bilən məhsullara çox nadir hallarda rast gəlinir. Bu, ornamentlərin kolleksiya dəyərini artırır. Məsələn, Avitoda Çipollino (Soğan-boy, Sovet cizgi filmi) dəstini 650 min rubla (təxminən 6500 dollar), ağ dələ fiqurunu 600 min rubla, Şaxta babanın və Qar qızın pambıq fiqurlarını 330 min rubla tapmaq olar.
Ən çox seçilən məhsullar arasında pambıqdan hazırlanmış ornamentlər yüzdə 30 payla birinci yerdədir. Bundan sonra 9 faizlə şüşə ornamentlər gəlir. Şüşə bəzək əşyalarının satışında illik yüzdə 52, aylıq isə yüzdə 47 artım qeyd edilib. Bundan əlavə, karton fiqurlar da populyarlıq qazanır, belə ornamentlərin satışı son bir ayda 52 faiz artıb.
Kolleksiya dəyəri olan ornamentlər həm nostalji həvəskarlarının, həm də investisiya alıcılarının diqqətini çəkir. Avito-da 1940-cı illərin nadir qız fiquru 15 min rubla, 13 karton heyvan dəsti isə 1200 rubla təklif olunur. Sovet dövründən qalma ağac bəzəklərinin (şüşə qüllələr və işıqlı ulduzlar) satışı hər il 25 faiz, ayda isə iki dəfə artır.
