Ukrayna Silahlı Qüvvələrinin mövqelərində Hindistan istehsalı olan silahların tapıldığı iddia edilib. Bu inkişaf "Hərbi İnformasiya Mənbəyi" adlı Telegram kanalında paylaşılıb.
Hafta.az-ın yazdığına görə, paylaşılan fotolarda 120 mm-lik minaatanlarda istifadə edilən Hindistan istehsalı olan sursatlar görünür.
Açıqlamalara əsasən, bu sursatlar 2024-cü ildə Hindistanda istehsal edilib.
Aprelin 1-də ABŞ prezidenti Donald Trampın sanksiya təhdidləri səbəbindən Hindistanın Rusiya neftinə alternativ axtardığı da gündəmə gətirilib.
Digər tərəfdən Rusiya xarici işlər naziri Sergey Lavrov Rusiya prezidenti Vladimir Putinin Hindistana rəsmi səfər edəcəyini açıqlayıb. Lavrov Putinlə Hindistanın baş naziri Narendra Modi arasında görüş üçün hazırlıqların başladığını, lakin dəqiq tarixin hələ müəyyən edilmədiyini açıqlayıb.
