Rusiya hökuməti 2022-ci il fevralın 24-dən bəri Ukraynaya qarşı apardığı qanlı müharibəyə çox sayda ölkədən muzdlu cəlb edib.
Hafta.az-ın yazdığına görə, bəzi KİV-lərin əldə etdikləri məlumatlara əsasən Rusiya müharibəyə 48 ölkədən ən azı 1500 muzdlu əsgər gətirib. Rusiyanın Vahid Tibbi Məlumat və Analitik Sistemi məlumat bazasının sızmış surətini araşdıran tədqiqatçılar hesablayıblar ki, təkcə Moskvada orduya çağırışçılar 2023-cü ilin aprelindən 2024-cü ilin mayına qədər 1500-dən çox xarici vətəndaşı işə götürüblər.
Sızdırılan qeydlərə əsasən, ən çox xarici əsgərin 771 nəfərlə Cənubi və Şərqi Asiya ölkələrindən, 523 nəfərlə keçmiş Sovet İttifaqı ölkələrindən və 72 nəfərlə Afrika ölkələrindən gəldiyi ifadə edilib. Həmçinin bildirilir ki, ordu Moskvanın Rusiyaya “qeyri-dost” hesab etdiyi və rəsmən “qara siyahı”ya salınmış ölkələrdən bir neçə əcnəbi əsgəri cəlb edib. Onların arasında ən azı 2 ABŞ vətəndaşı, 2 Latviya, 2 İtaliya və digər Avropa ölkələrindən olan hərbçilərin olduğu müəyyən edilib.
Araşdırmalar zamanı məlum olub ki, sözügedən əcnəbilərdən 300-ü bir ünvanda yaşayır. Qeydlərdə Yablochkova küçəsi 5, 1 nömrəli binada yerləşən işə qəbulun qeydiyyat mərkəzi göstərilir. Sızdırılan tibbi sənədlərə görə, 302-ci binada təxminən 300 əcnəbi yaşayır.
