Qarabağda baş verən hadisələr nümayiş etdirdi ki, hazırda regionda Rusiya bayrağının olması münaqişələrin qarşısını almaq üçün kifayət etmir.
Hafta.az xəbər verir ki, bu barədə jurnalist Vladimir Vorsobin “Komsomolskaya Pravda” radiosunda bildirib.
“İndi Rusiyanın Ermənistanda kontingenti var - iki-üç min nəfər. Onlar çoxdan orada dayanıblar, bir də Türkiyənin milyonluq ordusu, Azərbaycanın çox böyük ordusu və bayraqlı cəmi iki-üç minlik rus qoşunu. Və çox uzun müddət bu bayraq hər iki tərəfi dayandırdı, nə qədər rus əsgəri olsa da.
İndi isə Rusiya bayrağına ən yaxşı halda məhəl qoyulmur. Ümumiyyətlə, Qarabağda baş verən bütün bu hadisələr rəmzidir ki, Rusiya bayrağı indi qonşularımız üçün əvvəlki kimi qorxulu deyil. Bu, Qarabağdakı bu münaqişənin bizə gətirdiyi ən mühüm problemdir”, - Vorsobin bildirib.
