Bildiyimiz kimi, Həmas Siyasi Bürosunun rəhbəri İsmayıl Haniyə Tehranda öldürüldükdən sonra İran İsrailin məsuliyyət daşıdığı bildirərək müharibə elan etdi.
Hafta.az-ın yazdığına görə, bölgədə gərginliyin artdığı bir vaxtda Küveytin “Əl Ceride” qəzeti ABŞ rəsmilərinin Ankaradan gizli şəkildə İrana getdiyini və “İsrailə hücum edib Netanyahunun hiyləsinə düşməyin” xəbərdarlığını etdiyini bildirib.
O, həmçinin bəyan edib ki, İran İsrailə hücum edərsə, İsraili müdafiə edəcəklər, lakin onlar böyük müharibə istəmirlər.
“Al Ceride” qəzetində yer alan xəbərə görə, ABŞ nümayəndə heyəti cümə axşamı gizli şəkildə Türkiyədən özəl təyyarə ilə havaya qalxaraq İrana gedib.
Təyyarə Tehran yaxınlığındakı Karan şəhərinə eniş edib və orada İranın kəşfiyyat-xarici işlər komandası ilə 2 saatlıq kritik görüş keçirilib.
Görüş zamanı ABŞ rəsmiləri xəbərdarlıq ediblər: "Netanyahu böyük regional müharibə istəyir. O, İranı məhv etmək istəyir. Netanyahunun hiyləsinə qapılmayın". Rəsmilər ABŞ-ın İsmayıl Haniyənin öldürülməsindən xəbərsiz olduğunu bildirərək Netanyahunun nəzarətdən çıxdığını bildirib.
Görüş zamanı “Bizim Haniyənin öldürülməsindən xəbərimiz yox idi” deyən ABŞ heyəti, daha sonra xoşməramlılıq əlaməti olaraq İrandakı bəzi Mossad agentlərinin siyahısını İrana verdi.
Nümayəndə heyəti İrana, "Biz anladıq ki, siz prestij üçün hücum edirsiniz. Amma böyük sövdələşməyin. Əgər dərhal nüvə anlaşması etsək, Netanyahuya ən böyük zərbəni siz vuracaqsınız" deyib.
Burada Trampın İrana qarşı daha sərt olduğu və Bayden administrasiyası ilə dərhal razılaşma əldə olunarsa, Trampın manevr yerinin qalmayacağı xatırladılıb.
Al Ceride-nin xəbərlərindəki təfərrüatlar bunlarla məhdudlaşmırdı. Amerikalılar İran nümayəndə heyətinə Baydenin İranla döyüşmək istəmədiyini, Netanyahudan qətiyyən razı olmadığını, İran hücum edəcəyi təqdirdə İsraili müdafiə edəcəklərini, lakin böyük müharibə istəmədiklərini çatdırıblar.
Qəzet məqaləsində Netanyahu ABŞ-a son səfəri zamanı müharibə planlarını yəhudi lobbisi ilə bölüşdüyünə dair bu iddiaları səsləndirib: “Yaxın Şərqdə təkcə İsrail-ABŞ/İranın deyil, Türkiyənin də daxil olduğu region ölkələrinin girəcəyi böyük bir müharibənin vaxtıdır. Bu müharibədə biz bu ölkələrin infrastrukturunu məhv edəcəyik. Sonra siz şirkətlərinizlə gəlib bu ölkələri yenidən qurun. Müharibənin sonunda böyük süfrə yenidən toplanır və hamı İsraili tanıyır/hörmət edir”.
ABŞ nümayəndə heyəti cümə axşamı İrana deyib: "Biz bu ssenarini istəmirik".
