Martın sonlarında sosial şəbəkələrdə Qazaxıstan Respublikasının rəsmi bayrağı üzərində ərəb mətni ilə “Kəlimei Tövhid” və qılınc təsviri ilə yayılıb. Qalmaqallı fotoda çarşaf və çadra geyinmiş dörd qız əllərində "təhrif olunmuş" Qazaxıstan bayrağını tutaraq əllərində "Allah birdir" mənasını verən işarə edir.
Hafta.az-ın yazdığına görə, sosial şəbəkələrdə qalmaqal yarandıqdan sonra Qazaxıstan hüquq-mühafizə orqanları araşdırmalara başlayıb. Atırau Polis İdarəsi bildirib ki, faktla bağlı dövlət rəmzlərindən sui-istifadə maddəsi ilə cinayət işi başlanıb. Polis şübhəliləri müəyyən edərək polis bölməsinə aparıb.
“Tengrinews”un martın 31-də gündəmə gətirdiyi xəbərə görə, Atırau İnzibati Cinayətlər üzrə İxtisaslaşdırılmış Məhkəməsi "təhrif olunmuş" Qazaxıstan bayrağı ilə qalmaqallı foto çəkdirən üç qıza qarşı açılan işlərə qiymət verib. Rəsmi məlumatı məhkəmənin mətbuat xidməti yayıb.
Açıqlamada “Müəyyən edilib ki, 23 mart 2025-ci il tarixində Atırau şəhərinin Buz sarayının binasında N., A. və azyaşlı H. adlı vətəndaşlar Qazaxıstan Respublikasının bayrağının fonunda ərəb mətni olan şəkil çəkdirib və həmin şəkli sosial şəbəkələrdə yayaraq “xırda xuliqanlıq” cinayəti törədiblər.
Açıqlamaya görə, qızların təqsiri inzibati xəta haqqında protokol, fotoşəkillər, protokollar və işin digər materialları ilə tam təsdiqini tapıb.
Sonradan mühakimə olunan təqsirləndirilən şəxslər Qazaxıstan Respublikası İnzibati Xətalar Məcəlləsinin 434-cü maddəsinin 1-ci bəndinə əsasən “xırda xuliqanlıq”da təqsirli biliniblər.
Azyaşlının inzibati cinayətə cəlb edilməsi, bir qrup şəxs tərəfindən inzibati cinayət törətməsi kimi amillər nəzərə alınaraq Qazaxıstan Respublikasının vətəndaşı N.-nın 15 sutka müddətinə həbs edilməsi qərara alınıb.
Təqsirkar A. 78640 təngə (7450 manat) məbləğində cərimələnib.
Azyaşlı H.-nın qanuni nümayəndəsi 39320 qazax təngsi (3726 manat) məbləğində inzibati cərimə olunub.
