Qazaxıstanın cənubunda neft məhsullarının qaçaqmalçılığı üçün istifadə edilən və Özbəkistana uzanan tunel tapılıb.
Hafta.az-ın yazdığına görə, bu barədə Türküstan vilayətinin prokurorluğu məlumat yayıb.
“Bir qrup şəxs Qazaxıstan-Özbəkistan sərhədində 450 metr uzunluğunda tunel qazıb. Hər gün bu tuneldən qaçaqmalçılıq yolu ilə 5-7 ton yanacaq-sürtkü məhsulu keçib. Qanunsuz fəaliyyət iki aya yaxın davam edib. Cinayətkar qrupun bütün üzvləri, o cümlədən Özbəkistan vətəndaşları xüsusi tədbirlərlə müəyyən edilib”, - deyə vilayət prokurorluğundan bildirilib.
Oxşar tədbirlər Özbəkistanın hüquq-mühafizə orqanları tərəfindən dövlət sərhədinin sərhəd bölgəsində aparılıb. Qonşu ölkədən ixrac olunan yanacağın vəsaitlərinin köçürülməsi sxemi müəyyən edilib.
Transmilli cinayətkar qruplaşmanın üzvləri həm Qazaxıstan, həm də Özbəkistan ərazisində ələ keçirilib. Hazırda istintaqa qədər araşdırmalar aparılır.
