Rusiya Maliyyə Nazirliyi 2025-ci il üçün büdcə kəsiri proqnozunu üç dəfə artıraraq 3,8 trilyon rubla (ÜDM-in 1,7 faizi) çatdırıb. Bu artımın əsas səbəbləri neftin qiymətinin aşağı düşməsi və rublun gözləniləndən daha güclü olması olub.
Hafta.az-ın yazdığına görə, xüsusilə, Ural neftinin orta barel qiymətinin 69,7 dollardan 56 dollara düşməsi və dolların məzənnəsinin 96,5 əvəzinə 83,5 rubl ətrafında dəyişməsi neft və qaz gəlirlərində 2,6 trilyon rubl itkiyə səbəb olub. Həmin dövrdə büdcənin gəlirləri aşağıya doğru yenidən baxılmış, xərclər isə artıb.
Maliyyə naziri Anton Siluanov artan büdcə xərclərinin əsas hissəsinin müdafiə xərcləri və faiz subsidiyaları kimi “prioritet sahələrə” yönəldildiyini açıqlayıb.
Bu çərçivədə, ailə ipoteka proqramına ayrılan subsidiya limiti 8,65 trilyon rubla qədər artırıldı. Dövlət yeni xərcləri ödəmək üçün büdcə qaydaları çərçivəsində qeyri-neft gəlirlərinin artımını gözləyir. Bildirilir ki, bu artım yüksək inflyasiya, nominal ÜDM-in artması və ƏDV və gəlir vergilərinin toplanmasının artırılması hesabına əldə edilə bilər.
Ekspertlər hesab edir ki, artan büdcə kəsiri inflyasiyaya ciddi təzyiq göstərməyəcək. Çünki büdcənin struktur olaraq neytral qaldığı və əsas kəsir göstəricisinin sıfır olduğu bildirilir. Lakin yüksək faiz mühiti və geosiyasi risklər səbəbindən Rusiya Mərkəzi Bankının faiz endiriminə ehtiyatla yanaşacağı gözlənilir.
Bildirilir ki, təsərrüfat idarəsi ilin sonuna qədər əlavə borc götürmədən büdcə intizamını qoruyub saxlamağı planlaşdırsa da, payızda büdcəyə ikinci dəfə baxılması gündəmə gələ bilər.
-1780940155.jpg&h=173&w=263&zc=1&q=80)
