Rusiyanın təbii sərvətlər naziri Aleksandr Kozlov bəyan edib ki, ölkənin hazırkı neft ehtiyatları bugünkü hasilat tempi ilə təxminən 26 il üçün kifayət edəcək.
Hafta.az-ın yazdığına görə, Dövlət Dumasında keçirilən təqdimat mərasimində çıxış edən Kozlov qeyd edib ki, Rusiyanın ümumilikdə 31 milyard ton neft ehtiyatı var, lakin onun yalnız 13 milyard tonu iqtisadi cəhətdən səmərəlidir.
Nazir hasil olunan ehtiyatların əhəmiyyətli hissəsinin çətin hasil olunan ərazilərdə yerləşdiyini və verilən vergi güzəştləri sayəsində bu sahələrin rentabelliyə çevrildiyini vurğulayıb.
Kozlov həmçinin bildirib ki, Rusiyanın 95 milyard ton potensial neft ehtiyatı var, lakin bu ehtiyatlar hələlik ehtiyat statusuna keçməyib. O, bildirib ki, bu həcmlərin qiymətləndirilməsi üçün həm dövlət, həm də özəl sektor geoloji kəşfiyyat işləri aparmalıdır.
2024-cü ilə qədər Rusiyanın ümumi neft və neft məhsulları istehsalı 516,1 milyon ton təşkil edib. İqtisadiyyat Nazirliyinin məlumatına görə, bu hasilatın 2025-ci ildə sabit qalaraq 516 milyon ton, 2026-cı ildən isə artaraq 2028-ci ilə qədər 540 milyon tona çatacağı gözlənilir.
Ölkənin əsas neft ehtiyatları Qərbi Sibirdə cəmləşdiyi halda, 2024-cü ildə 39 yeni karbohidrogen yatağının aşkar edildiyi bildirilir. Ən mühüm yeni yataqlar İrkutsk vilayətində, Yamal-Nenets Muxtar Dairəsində, Krasnoyarsk diyarında və Yakutiyada yerləşir.
-1780940155.jpg&h=173&w=263&zc=1&q=80)
