Yaponiya Meteorologiya Agentliyi sentyabr ayının son 125 il ərzində ölkədə ən isti ay olduğunu açıqlayıb.
Hafta.az-ın yazdığına görə, agentlik bu ilin sentyabr ayında ölkə üzrə orta göstəricinin normadan 2,66 dərəcə yüksək olduğunu bildirib. Yüksək temperatur sentyabrın sonuna qədər davam edib, Şizuoka və Kofu şəhərlərində temperatur rekord həddə çataraq, 35 dərəcəni keçib.
Agentlik rəsmiləri hava şəraitini Sakit Okeanın şərqində yüksək təzyiq sistemlərinin güclənməsi və qərb küləyinin adi haldan daha çox əyri olması ilə əlaqələndiriblər.
Həddindən artıq istilər konkret bir bölgədə deyil, ölkənin demək olar ki, hər yerində - şimal, şərq və qərbində qeydə alınıb. Yaponiyada orta temperatur yalnız 1898-ci ildə bu qədər yüksək olub.
Ən azı onlarla ölkə aprel ayında iqlim böhranının təsirləri səbəbindən isti dalğaları yaşayıb. Ardıcıl isti dalğaları yayboyu xüsusilə Avropa, Asiyanın bəzi hissələri və ABŞ-a təsir göstərmədə davam edib.
