“Ukrayna sülh müqabilində öz ərazilərindən imtina etməyəcək. Bunu yalnız bizdə deyil, dünyada da bilirlər”.
Hafta.az “TSN”ə istinadla xəbər verir ki, bunu “Bloomberg” agentliyinə müsahibəsində Ukrayna prezidenti Vladimir Zelenski deyib.
" "Starlink"ə gəlincə, bu, həqiqətən də kömək etdi. Və buna görə onun komandasına və ona (İlon Mask - red.) "Starlink"i əldə etdiyimizə görə təşəkkür edə bilərəm. Bu, bizim üstünlüyümüz idi və bu, çox vacib idi. Və mən sadəcə döyüş meydanından danışmıram, mən Rusiyanın bizə raket hücumlarından sonra xəstəxanalardan, uşaq bağçalarından, infrastrukturdan danışıram... Amma təəssüflər olsun ki, ruslar lazımi avadanlıq aldıqdan sonra bizim üçün bu üstünlük azaldı”, - deyə prezident qeyd edib.
“Ərazilərə gəlincə, mən bunu artıq demişəm; heç bir şəxs, heç bir lider yoxdur ki, Ukraynanı öz torpaqları və həyatı ilə bağlı hüquqlarını pozmağa, Konstitusiyasını pozmağa məcbur edə və müvəqqəti işğal olunmuş ərazilərimizi hüquqi cəhətdən tanıya. Bu, qeyri-mümkündür və bu, heç vaxt baş verməyəcək”, -deyə Ukrayna lideri vurğulayıb.
Xatırladılır ki, İlon Mask Ukrayna ərazisinin bir hissəsini Rusiyaya verməklə müharibəyə son qoymağı təklif etmişdi. Mask hesab edir ki, Ukrayna Krımdan imtina etdikdən sonra sülh yarana bilər, onun sözlərinə görə, Krım Xruşşov tərəfindən Ukraynaya düzgün olmadan təhvil verilib.
