“Titanik” filmindəki Cek rolu Leonardo Di Kaprionu dünyada məşhur edən rola çevrildi. Ancaq bu gün az adam Cekin gəmidə baş qəhrəmanla birlikdə olan dostu Fabrizionu xatırlayır. Layihədə bu qəhrəmanın rolunu gənc aktyor Denni Nuççi oynayıb və onun filmdən sonrakı taleyi Oskar mükafatlı aktyorun taleyi ilə oxşar olub.
Hafta.az-ın yazdığına görə, Fabrizio Denni Nuççinin oynadığı ilk rol deyildi, lakin aktyorun məşhurlaşmasına məhz bu rol kömək etdi. 80-ci illərin ortalarında İtaliyadan ABŞ-a köçəndə aktyorluq kurslarını bitirdi və filmlərdə rol almağa başladı. İlk vaxtlar aktyor az populyar seriallarda çəkilsə də, “Titanik”dən sonra ona daha ciddi təkliflər gəlməyə başlayıb.
Bu gün onun heyrətamiz filmoqrafiyası var. Bundan başqa, Denni şəxsi həyatında xoşbəxtlik tapan aktyorlardan biridir. Aktyor iyirmi ilə yaxındır ki, evlidir. Onun iki övladı var. Bundan əlavə, aktyor sağlamlığına diqqət yetirir və əla görünüşünü qorumağa çalışır. Oskar qazanmamasına baxmayaraq, yaraşıqlı aktyor kilolu, tənha Di Kapriodan daha yaxşı həyat sürür.
