Səudiyyə Dəmir Yolu Şirkəti (SAR) 2023-cü il Həcc ziyarəti zamanı Harameyn Sürətli Dəmir yolundan istifadə edən sərnişinlərin sayının 2022-ci ilin eyni dövrü ilə müqayisədə 96 faiz artaraq 750 mini keçdiyini bildirib.
Hafta.az-ın yazdığına görə, şirkət bunu builki Həcc mövsümü üçün Harameyn Sürətli Dəmir yolunun əməliyyat planının uğurla başa çatdığını elan edərkən açıqlayıb.
2023-cü il Həcc ziyarətində əməliyyat olunan səfərlərin sayı əvvəlki illə müqayisədə 79 faiz artaraq 3627-yə çatıb.
SAR-dan, Harameyn dəmir yolunun səfərlərinin yüksək sürətlə davam etdiyini, yüksək tələbat fonunda pik günlərdə 126 səfər təşkil edildiyi bildiriıib.
SAR Həcc ziyarətinə zəvvarlara xidmət göstərmək istəyi çərçivəsində mövsüm ərzində əlavə səfərlər həyata keçirib. Zilhiccə ayının 7-ci günündə səfərlərin sayı 131 səfərə çatıb ki, bu da Harmeyn dəmir yolunun tarixində bir gündə ən çox səfərdir. Onlardan 60-ı Məkkə stansiyasından yola düşüb və hər saatda 6 qatar stansiyadan çıxıb.
Qatar marşrutlarının sayı 227 əlavə ilə 2023-cü il Həcc dövründə 3400 planlaşdırılan səfəri keçib.
Harmeyn dəmir yolu Həcc zəvvarlarını və digər səyahətçiləri əsasən Məkkə ilə Mədinə arasında, eləcə də Ciddə hava limanından və şəhərdəki iqtisadi zinadan daşıyıb.
Gəlmə və yola düşmə cədvəllərində dəqiqlik 98 faiz-ə çatıb ki, bu da sərnişinlərin rahatlıqla daşınması üçün geniş imkanların təmin edilməsinə kömək edib, onlar özlərinə uyğun vaxtı seçə biliblər.
