Devid Bekhem Viktoriya Bekhemlə 24 illik evliliyinin uğurunun açarlarını bölüşüb.
Hafta.az-ın “The Telegraph” qəzetinə istinadən yazdığına görə, futbol ulduzu və 1998-ci ilin iyulunda ailə quran keçmiş “Spice Girl”ün 4 övladı var: 24 yaşlı Bruklin, 21 yaşlı Romeo, 18 yaşlı Kruz və 12 yaşlı qızı Harper.
Futbolçunun həyatından bəhs edən “Netflix” sənədli filmi Bekhemin yayımlanmasından əvvəl “İnter Mayami”nin rəhbəri “The Telegraph” qəzetinə müsahibəsində modelyerlə münasibətləri haqqında bəzi məlumatları paylaşıb.
Evlilik məsləhəti istənildikdə, 48 yaşlı David deyib ki, o və 49 yaşlı Viktoriya bir-birlərinin ehtiyaclarının ödənildiyinə əmin olmaq üçün mütəmadi olaraq güzəştə gedirlər. "Bu işi birlikdə edirik. Bu, hər zaman bir az qarşılıqlı fədakarlıq tələb edir", - Bekhem deyib. "Və evlilik çətin işdir. Biz məşğul insanlarıq. Mən həmişə Viktoriyaya deyirəm ki, məşğulam, amma o da çox məşğul olduğunu deyir. Bizim dörd uşağımız var ki, onlar həmişə müxtəlif istiqamətlərə gedirlər, lakin hər biri üçün vaxt ayırmağa üstünlük verməliyik. Biz həmişə bunu etmişik və görünür, yaxşı da nəticə verir", - o əlavə edib.
Daha sonra müsahibədə Devid, Viktoriya ilə gələcəkdə nənə və baba olmaq haqqında danışdıqlarını və bu məsələdə özünü Viktoriyadan daha rahat hiss etdiyini söyləyib.
İngiltərə millisinin keçmiş kapitanı daha əvvəl makiyaj edərkən qızı Harperin dodaqlarından öpdüyü videosunu paylaşmışdı.
Cütlüyün uşaqlarına sevgilərini nümayiş etdirmələri keçmişdə onların pərəstişkarlarını qütbləşdirib. 2017-ci ildə Facebook-da canlı yayımda Devid onun və Viktoriyanın sevgi dolu təbiəti ilə bağlı mübahisələrə toxunub. "Uşaqları çox sevirəm" dedikdən sonra Bekhem o zaman 18 yaşında olan Bruklinə çox fiziki sevgi göstərmədiklərini bildirib: "Mən belə böyümüşəm və uşaqlarımızla belə davranırıq. Biz uşaqlarımıza sevgi göstərmək istəyirik, onları qoruyuruq, onlara baxırıq, dəstəkləyirik və onlara çox məhəbbətlə yanaşırıq".
“Bekhem”in sənədli filminin bu yaxınlarda yayımlanan treylerində Viktoriya Devidlə olan romantik münasibətlərinin əvvəlində onlara münasibətlərini ictimaiyyətin diqqətindən kənarda saxlamağı tövsiyə etdiyini açıqlayır.
“Bekhem”in premyerası oktyabrın 4-də “Netflix”də olacaq.
