Yazını böyüt
Yazını kiçilt
Ermənistanda son sutka ərzində daha 2 175 nəfərdə koronavirus aşkarlanıb. Pandemiya qurbanlarının sayı isə 26 fakt artıb.
Hafta.az xəbər verir ki, bu barədə məlumatı ölkənin Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi yayıb.
Bildirilir ki, bununla da Ermənistanda virusa yoluxanların sayı 106 424-ə yüksəlib.
Ölkədə pandemiyadan ölənlərin sayı 26 nəfər artaraq 1 559-a çatıb. COVID-19 diaqnozu qoyulmuş, lakin başqa səbəbdən ölənlərin sayı isə 405-ə yüksəlib.
Hazırda Ermənistanda 40 281 aktiv koronavirus xəstəsinin olduğu bildirilir.
Xatırladaq ki, əhalinin hər yüz min nəfərinə düşən yoluxma hallarının və ölüm sayına görə, Ermənistan MDB məkanında birinci yerdədir.
