“Game of Thrones” fanatları üçün əla xəbər var. HBO hit filmdə istifadə olunan əşyaları hərraca çıxarıb. Beləliklə, hər kəsin sevimli seriyasından istənilən əşyanı almaq imkanı var.
Hafta.az-ın yazdığına görə, əfsanəvi silahlar, zirehlər, geyimlər və nadir əşyalar da daxil olmaqla 2 mindən çox lot hərraca çıxarılır. Satış artıq başlayıb. Başlanğıc qiyməti 500 dollardır. Ancaq bu, hamısı deyil. Kral Mühafizəsinin Jaime Lannister tam dəstindən ibarət ən bahalı lot 20 min dollar dəyərində qiymətləndirilir. Bu yalnız başlanğıc qiymətdir.
Bundan əlavə, kolleksiyada personajların geyimləri də nümayiş etdirilib. Onların arasında Cersey Lannister, Sansa Stark və Dineris Tarqaryenə məxsus geyimlər var. Yeri gəlmişkən, Dinerislə əlaqəli başqa lotlar da var: məsələn, əjdaha yumurtasını 3600 dollara və kiçik Draqonun modelini 2100 dollara ala bilərsiniz.
Hərrac oktyabrın 10-dan oktyabrın 12-dək keçiriləcək.
