Gürcüstan Maliyyə Nazirliyinin Gəlirlər Departamentindən verilən açıqlamaya görə, bütün elektrik və hibrid avtomobillərin, həmçinin həcmi 1900 kubsantimetrdən çox olan motorlu nəqliyyat vasitələrinin Rusiyaya idxalı qadağan edilib.
Hafta.az-ın yazdığına görə, müvafiq qadağa qərarı Aİ-nin Moskvaya tətbiqlədiyi məhdudiyyətlərin 11-ci paketinə uyğun olaraq qəbul edilib.
Gürcüstan Milli Statistika Xidmətinin məlumatına görə, minik avtomobilləri məhsul qrupları arasında on ixrac kateqoriyasında birinci, Gürcüstanın Rusiyaya ixracında isə üçüncü yeri tutub. Belə ki, 2023-cü ilin birinci yarısında Rusiyaya 65,8 milyon dollar dəyərində 4840 avtomobil reeksport edilib.
Rusiya avtomobil dilerləri 2023-cü ildə minik avtomobillərinin qiymətlərinin 30 faiz artacağını proqnozlaşdırıblar. Rusiya Avtomobil Dilerləri Assosiasiyasının (ROAD) vitse-prezidenti və baş direktoru Vyaçeslav Jiqalovun sözlərinə görə, təkrar emal haqqının artması və rublun məzənnəsindəki ciddi dalğalanmalar artıq avtomobillərin qiymətinin artmasına səbəb olub. Gürcüstanın Rusiyada avtomobil bazarını alt-üst edəcəyini deyən Jiqalov, bunun qiymətləri yüksəldəcəyini bildirib.
-1782311317.jpg&h=173&w=263&zc=1&q=80)
