Mads Mikkelsen, “Fantastic Beasts: The Secrets of Dambldor”dan tutmuş “İndiana Cons” və “The Dial of Destiny”ə qədər bir çox filmlərdə caniləri canlandırıb.
Hafta.az-ın “Variety”a istinadən yazdığına görə, adı blokbaster franşizalarının caniləri ilə sinonimləşən danimarkalı aktyor açıq şəkildə bildirir ki, bu sabit film ona daha çətin layihələr həyata keçirmək azadlığı verir.
Lakin təyyarə səfəri məşhur aktyorun karyerasını demək olar ki, başa çatdırıb. 57 yaşlı Mikkelsenin karyerası 2006-cı ildə “Casino Royale” ilə başlamazdan əvvəl bitə bilərdi.
Sürix Film Festivalına qatılan Mikkelsen, Daniel Kreyqin baş rolda olduğu “Ceyms Bond” filminin ssenarisini uçuş zamanı itirdiyini açıqlayıb.
Danimarkalı aktyor onu da etiraf edib ki, adıçəkilən ssenari sızsa və film şübhə doğurarsa, Hollivuddan uzaqlaşdırılmaqdan qorxur.
“Casino Royale” hər səhifədə adımın yazıldığı ilk ssenari idi. Bu o deməkdir ki, uduzsan, cavabdehsən. Təyyarəyə mindim, oxumağa başladım və yuxuya getdim. Sonra təyyarədən düşüb orda qoyub getdim” deyən aktyor sözünə belə davam edib: "Bəxtim gətirdi ki, təmizlik işçisi nə olduğunu bilmədiyi üçün ssenarini atıb".
Mikkelsen həmçinin Martin Kempbellin idarə etdiyi filmdə “Le Şiffre” rolunu canlandırarkən Ceyms Bondla çox tanış olmadığını açıqlayıb.
Əvvəlki filmlərin heç birinə baxmadığını deyən Mikkelsen aktyorlar Kraliça Elizabetlə görüşə dəvət olunana qədər rolunun ciddiliyini dərk etmədiyini boynuna alıb: “O vaxta qədər heç bir Bond filmi görməmişdim və təbii ki, bunu yalan dedim. Londonda premyerası olana və kraliça ilə görüşməyə məcbur qalanadək bunun nə qədər böyük bir şey olduğunu başa düşməmişdim".
