Yazını böyüt
Yazını kiçilt
Rusiyada "xarici agent" siyahısına daxil edilən məşhur reper Face (İvan Dremin) barəsində rəsmi şəkildə cinayət işi qaldırılıb.
Hafta.az xəbər verir ki, bu barədə Rusiya KİV-ləri məlumat yayıb. Bildirilir ki, reperlə bağlı ittiham sənədləri artıq Ufa məhkəməsinə təqdim edilib.
Qeyd olunur ki, Face 2022-ci ilin aprelində Rusiya Ədliyyə Nazirliyi tərəfindən "xarici agent" kimi tanınıb. Hazırda ölkədən kənarda yaşayan ifaçı haqqında federal axtarış elan olunub.
Mətbuatda yazılır ki, o, 2022-ci ildən bəri sosial şəbəkə hesablarında "xarici agent" statusunu göstərmədiyinə görə dəfələrlə inzibati cərimələr alıb. İndi isə reperin bu tələbləri sistematik şəkildə pozması cinayət məsuliyyəti ilə nəticələnib.
