Hollivud ulduzu Tom Kruz kino sənayesində işlədiyi 37 il ərzində böyük ekranda 9 kilometrdən çox qaçıb. Hələ də kinoteatrlarda olan “Mission: Impossible” serialının 7-ci filmi sayəsində aktyorun sinematik pedometri daha da artıb.
Hafta.az-ın yazdığına görə, Rotten Tomatoes məşhur aktyorun 44 filmini araşdıraraq bir hesablama aparıb və nəticələr heyrətamizdir: Tom Kruz bir filmdə nə qədər çox çəkilirsə, film kinoteatrda bir o qədər yaxşı çıxış edir. Nə qədər gülməli görünsə də, bu cür məlumatlar tamaşaçıların Kruzui aktyor kimi necə qəbul etdiyi barədə çox şey deyir.
Tom Kruz nə vaxt yeni film çəkdirsə, həmişə onun çılğın şeylər etməsinin pərdəarxası kadrlarını yayımlayır. Kruz hər dəfə çox rahatlıqla təyyarədən tullanarkən sanki rahat təbəssümlə tamaşaçılarına “Kinoteatrda görüşərik” deyir.
61 yaşlı aktyorun bu üslubu ekranlara çıxan hər filmin nəticələrində də özünü göstərir. Lakin Kruz qaçmayanda filmləri çox da yaxşı performans göstərmir.
Rotten Tomatoes tərəfindən təqdim edilən məlumatlara görə, aktyorun 150 metrdən az qaçdığı bir neçə “Yaxşı Adam” və “Yağış Adamı” kimi klassiklərin də daxil olduğu filmlər kinoteatrda orta hesabla 113 milyon dollar gəlir əldə edib. Bu filmlər də tamaşaçılardan orta hesabla 100 baldan 59,2 bal alır.
“Vanilla Sky” və “Girov” filmlərində olduğu kimi, Kruz təxminən 300 metr məsafəni qət etdikdə, onun orta kassa gəliri 413 milyon dollara, tamaşaçı reytinqi isə 66,7 faizə yüksəlir.
Aksiya ulduzu “Azlıqların Hesabatı” və ya “Missiya: Mümkünsüz – Fallout” filmlərində olduğu kimi 300 metrdən çox qaçırsa, kassada orta qazanc 471 milyon dollar, tamaşaçıların bəyənmələri 100-dən 76-ya yüksəlir.
Bu qaydanın istisnaları “Cek Riçer” və “Mumiya”dır. Kruzun baş rolda oynadığı hər iki film kassada uğursuz olub və pis rəylər alıb.
