İranın keçmiş islahatçı prezidenti Məhəmməd Hatəmi açıq bəyanatında ölkəsinin “azad və rəqabətli seçkilərdən çox uzaqda olduğunu” bildirib. Bu bəyanat gələn ayın əvvəlində keçiriləcək parlament seçkiləri kampaniyasının başlamasına bir neçə gün qalmış boykot çağırışı kimi qiymətləndirilib.
Hafta.az-ın yazdığına görə, digər tərəfdən, dini rəhbər Əli Xamenei də daxil olmaqla yüksək səviyyəli şəxslər ölkəni sarsıdan ictimai etirazlardan sonra keçiriləcək ilk seçkilərdə iştirak nisbətinin artırılmasını istəyib. Bu etirazlar 2022-ci ilin ikinci yarısında gənc qadın Məhsa Əmininin hicabını düzgün taxmadığı üçün polis tərəfindən saxlanılması və təcridxanada ölməsindən sonra başlayıb.
İslahatçı xəbər saytları yazır ki, Xatəmi “İslami İran Həmrəyliyi Partiyası” üzvlərinə verdiyi açıqlamada, Xameneinin bir müddət əvvəl seçkilərlə bağlı çıxışının ideal seçkilərə yaxınlaşmağımıza kömək edə biləcəyini, lakin təəssüf ki, praktikada əksi baş verdi.
Xatəmi bəyan edib ki, “müxtəliflik, azadlıq və rəqabətli seçkilər İran xalqının müxtəlif təbəqələrini təmsil etməsi demək deyil, yalnız mühafizəkarların və islahatçıların öz namizədləri var”.
Xatəmi həmçinin “islahatların heç bir şəxs, qrup və ya qurumla ziddiyyət təşkil etmədiyini” və ölkədə ümumi diskomfort və narazılığın olduğunu bildirib. O, cəmiyyətin böyük bir hissəsinin, xüsusən də son seçkilərdə iştirak etməyən gənclərin və ziyalıların, eləcə də seçkilərdə lehinə səs verən və ümumiyyətlə, iştirak etməyən milyonlarla insanın narazılığına diqqət çəkib.
İslahatçılar qanadının namizədlərinin seçkidə iştirakının qarşısı alındıqdan sonra hələ də seçkiyə qatılıb-qatılmaması ilə bağlı qərar vermədiyi və bu məsələdə qanadın nüfuzlu şəxsləri arasında parçalanmanın olduğu bildirilib.
Bəzi mötədil islahatçılar parlamentdəki mühafizəkar çoxluğa qarşı müstəqil namizədləri dəstəkləməyə üstünlük veriblər. Bu adlar arasında parlament sədrinin keçmiş müavini və Əli Laricaninin kürəkəni olan mötədil mühafizəkar Əli Mütəhhəri də var.
Motəhhəri 4 il əvvəl parlament seçkilərində iştirakına mane olandan sonra 2021-ci il prezident seçkilərində iştirak üçün icazə alıb.
Bu arada “İslahatlar Cəbhəsi”nin sədr müavini Möhsin Armin mühafizəkarların parlamentdəki mövqeyini qırmaq üçün seçkilərdə iştiraka çağıran 110 islahatçı fəalın ötən həftə dərc etdiyi bəyanatı tənqid edib. Bu insanları “azlıq” kimi xarakterizə edən Armin islahatçılar arasında parçalanmaya qarşı xəbərdarlıq edərək, “seçkilərdə bu şəkildə iştirakın ictimai rifahı təmin edəcək nəticə əldə edə bilməyəcəyini” bildirib.
