Rusiya Hidrometeorologiya Mərkəzinin elmi direktoru Roman Vilfand 2024-cü ilin ölkədə meteoroloji müşahidələr tarixində qeydə alınan ən isti il olacağını açıqlayıb.
Hafta.az-ın yazdığına görə, Vilfand bildirib ki, bu il keçənilki temperatur rekordlarını keçə bilər.
TASS xəbər agentliyinə danışan Vilfand, “Keçən il rekordların ən isti ili oldu. Ancaq bu il yəqin ki, daha da isti olacaq”, - o bildirib.
Bu proqnoz Hidrometeorologiya Mərkəzinin sürətli hava analizinə əsaslanır.
Vilfand qlobal okean cərəyanı olan La Ninanın atmosferi soyutmağa kömək edə biləcəyini ifadə edib, lakin ilin ilk doqquz ayında Rusiyada temperaturun kifayət qədər yüksək olduğunu vurğulayıb. Xüsusilə, avqust ayı Rusiyanın meteoroloji müşahidələri tarixində temperaturun artmasına görə altıncı və ya yeddinci yeri tutub.
Sibir bölgəsində havanın temperaturu əvvəlki illərlə müqayisədə qeydə alınan ən yüksək beşinci səviyyəyə çatıb.
Vilfand daha əvvəl vurğulamışdı ki, 2024-cü ilin avqustu müşahidələr tarixində ən isti aydır.
Avqustda havanın temperaturu normadan 1,5 dərəcə yüksək olub və bütün dünyada ardıcıl 13-cü dəfə temperatur anomaliyaları yaşanıb.
Mütəxəssislər bu temperatur artımlarının qlobal iqlim dəyişikliyinin təsirləri ilə bağlı olduğunu vurğulayaraq, Rusiyanın da bu dəyişiklikdən ciddi şəkildə təsirləndiyini bildirirlər.
