Böyük Britaniyada randevu çatışmazlığı olan bölgələrdə çalışacaq diş həkimlərinə 20 min funt sterlinq maaş ödəniləcək.
Hafta.az-ın yazdığına görə, dövlət vəsaiti ilə fəaliyyət göstərən Milli Səhiyyə Sisteminin (NHS) dünən verdiyi açıqlamada, həkimlərə tələbatın yüksək olduğu və nasazlıqların yarandığı kənd yerlərində çalışacaq 240 həkimə ilkin artımın veriləcəyi bildirilib.
Diş həkimlərinə də son iki ildə NHS sistemi vasitəsilə qəbula yazıla bilməyən şəxsləri görmək üçün xəstə başına 50 funt-sterlinq əlavə ödəniş veriləcək.
Rəsmi rəqəmlərə görə, son iki ildə NHS-də diş müalicəsi təyin edə bilməyən insanların sayı təxminən 30 milyondur. Bu, Böyük Britaniyanı təşkil edən dörd ölkədən biri olan İngiltərə əhalisinin yarısından çoxuna uyğundur.
Yeni təcrübə çərçivəsində heç bir sığortası olmayan şəxslər üçün minimum müalicə haqqı 23 funtdan 28 funta qaldırılıb.
Böyük Britaniyanın Səhiyyə Naziri Viktoriya Atkins “The Telegraph”dakı məqaləsində bu tətbiqlə ölkənin şimal-şərqindəki kənd yerlərində xüsusilə NHS xidmətlərini canlandırmağı hədəflədiklərini ifadə edib. Atkins dövlətin layihə üçün 100 milyon funt-sterlinq büdcə ayırdığını bildirib.
Nazir əlavə edib ki, proqram çərçivəsində gələn il daha 2,5 milyon nəfərə təyinat aparılacaq.
Bundan əlavə, məktəb və uşaq bağçalarında uşaqların diş sağlamlığını yoxlamaq üçün səyyar həkimlər çalışacaq.
Digər tərəfdən, müxalif Leyboristlər Partiyası hökumətin bu ideyanı onlardan oğurladığını iddia edərək, bu praktikaya reaksiya verib. Solçu partiya gələn il keçiriləcək seçkilərdə hakimiyyətə gəlsələr, 3-5 yaşlı uşaqlara xüsusi diş fırçalama təhsili verəcək proqram həyata keçirəcəklərini açıqlamışdı.
İngiltərədə NHS sistemində çalışan minlərlə ümumi praktikant yanvarın 3-də 6 günlük işini dayandırıb ki, bu da NHS tarixində indiyə qədər görülmüş ən uzun tətil idi.
