Oktyabr ayından etibarən Vestel-in Rusiyadakı zavodunu almaq üçün danışıqlar aparan iranlı ağ əşya istehsalçısı Entikhab Group-un “Vestel”lə razılığa gələ bilmədiyi deyilir.
Hafta.az-ın “Kommersant”a istinadən yazdığına görə, İran şirkəti Vladimir bölgəsindəki Vestel Ağ Əşya obyektlərinin alınması ilə bağlı Türkiyənin “Vestel” şirkəti ilə razılığa gələ bilmədiyi üçün alışdan imtina edib.
Müqavilənin dəyəri 45 milyon dollar olub və “Rusklimat” obyektin idarəedici şirkəti olaraq qalacaq.
Məlum olub ki, İran şirkəti ümumiyyətlə layihədə maraqlı deyil. Türk tədarükçünün imkanları üçün başqa rəqiblər də var, lakin ekspertlər hesab edir ki, iranlı investor yeni plan ortaya çıxarıb sövdələşməni tamamlaya bilər.
Entikhab Grup-la “Vestel” arasında şirkətin Aleksandrovdakı zavodunun satışı ilə bağlı aparılan danışıqlarda iştirak edən ağ əşya istehsalçısı “Jackys” şirkətinin qurucusu və “Vestel”in keçmiş meneceri Hüseyn İmanov "Kommersant"a açıqlamasında tərəflərin 45 milyon dollar ödəməyə razı olduqlarını bildirib. Amma sonradan bəzi fikir ayrılıqlarına görə İran şirkəti müqavilədən imtina edib.
2000-ci illərin ortalarında Vladimir bölgəsində açılan və məşhur markaların məişət texnikası və elektronikası istehsal edən “Vestel”, 2016-cı ilin martında Türkiyənin F-16 qırıcısının rus təyyarəsini vurması səbəbindən Rusiya ilə Türkiyə arasında münasibətlərin pisləşməsindən sonra bağlanıb.
