"Brain Stats" Tədqiqat Mərkəzi tərəfindən hazırlanmış siyahıda dünyanın ən ağıllı 30 ölkəsinin adı yayımlanıb.
Hafta.az-ın yazdığına görə, sözügedən siyahıda dünyanın ən iri texnologiya sahibi ölkələri ilə yanaşı, çox sevindirici haldır ki, Azərbaycanın və qardan Türkiyənin də adları var.
Həmin 30 ölkənin siyahısı aşağıdakı kimidir: Birinci yerdə Hong Konq möhkəmlənib, ikinci pillədə Sinqapur, üçüncüdə isə Cənubi Koreya qərarlaşıb. Siyahıda ilk onluğu isə bu ölkələr doldurub: 4.Yaponiya, 5. Çin, 6. Tayvan, 7. İtaliya, 8. İslandiya, 9. Monqolustan, 10. Avstriya.
11-ci pilləni Norveç tutan siyahıda 12-ci yeri Böyük Britaniya, 13-cü yeri Kanada, 14-cü pilləni Almaniya, 15-ci yeri Fransa, 16-cı yeri ABŞ, 17-ci yeri Rusiya, 18-ci yeri isə Malayziya tutur. Qardaş ölkə Türkiyə dünya dövlətləri arasında 19-cu pillədə qərarlaşıb.
Yuxarıda qeyd etdiyimiz kimi, siyahıda Azərbaycanın da adı var - 20-ci pillədə.
Qeyd edək ki, Azərbaycandan sonra siyahını dünyanın ən böyük ölkələrindən olan İndoneziya davam etdirir - 21-ci yer. Sonrakı yerlərdə isə - 22-ci pillədə İraq, 23-də Küveyt, 24-cü yerdə İran, 25-də Pakistan, 26-cı yerdə Səudiyyə Ərəbistanı, 27-ci pillədə Suriya durur.
Ağıllı ölkələrin siyahısında son üçlüyü isə Hindistan (28-ci yer), Misir (29-cu yer) və Qətər (30-cu yer) tutur.
Bu siyahıda biz oxucuları maraqlandıran və hətta təəccübləndirən məqamlar da var. Müasir elmi-texniki uğurların qazanıldığı bir dövrdə Monqolustan, Suriya, İraq kimi ölkələrin bu siyahıya hansı nailiyyətlərinə görə düşdüyünü anlamaq bir az çətindir.
