Rusiya və Belarus Qərbin sanksiyalarından sonra bağlanan sərhədlərə alternativ nəqliyyat marşrutları üzərində işləməyə davam edir.
Hafta.az-ın yazdığına görə, Avropa İttifaqı öz ölkələrinin quru sərhədlərini Belarusa bağladıqdan sonra Belarusun dənizə çıxışı bağlanıb. Bu vəziyyətdən çıxmaq üçün Misnk rəhbərliyi alternativ marşrut olaraq Rusiya üzərindən Sankt-Peterburq limanından daha tez-tez istifadə etməyə başlayıb.
Mövcud dəmir yolu xətləri ehtiyacı ödəmədiyi üçün Rusiya və Belarus mövcud xətlərin modernləşdirilməsi və yeni xətlərin çəkilməsi barədə razılığa gəliblər.
RİA Novosti-nin xəbərinə görə, bu kontekstdə Sankt-Peterburq limanları üçün dəmir yolu imkanlarının artırılması məqsədilə birinci mərhələdə yeddi dəmir yolu keçidinin tikintisi və yenidən istismarı razılaşdırılıb.
Əsas missiya 2025-ci ilə qədər Sankt-Peterburqa çatmaqdır. Sankt-Peterburq limanlarından istifadə etməklə illik 15 milyon ton yükdaşıma qabiliyyətinə çatdırılması hədəflənir.
Keçən il Sankt-Peterburq limanları logistik üstünlüklərinə görə Belarusun ixrac yüklərinin daşınması üçün əsas limanlara çevrilib, lakin mövcud dəmir yolu infrastrukturu ilə yükdaşıma qabiliyyəti pik həddə çatdığı və 2021-2022-ci illərlə müqayisədə dəfələrlə artdığı üçün çətinliklər yaranıb.
Ötən il Rusiyanın Belarusa məxsus bütün limanları vasitəsilə 14,1 milyon ton yük daşınıb ki, bunun da 12,9 milyon tonu Sankt-Peterburq limanlarından həyata keçirilib.
Belarus yüklərin Rusiyanın Murmansk limanları və Şimal dənizi marşrutu ilə Çinə çatdırılmasının üstünlüklərini də qiymətləndirir. Hazırda bu logistik marşrut Rusiya və Çin tərəfləri tərəfindən fəal şəkildə inkişaf etdirilir.
