Çin noyabrda keçiriləcək prezident seçkilərində kimin qalib gəlməsindən asılı olmayaraq, ABŞ-la münasibətlərin yaxşılaşacağına ümid etdiyini bəyanlayıb.
Hafta.az-ın AFP-yə istinadən yazdığına görə, Pekin və Vaşinqton son illər texnologiya, ticarət və insan haqları kimi əsas məsələlər, həmçinin Tayvan və Cənubi Çin dənizi ilə bağlı iddialar üzərində toqquşub.
ABŞ seçiciləri noyabrda keçiriləcək seçkilərdə keçmiş prezident Donald Trampı prezident Co Baydenlə üz-üzə qoyacaqlar.
Çin Parlamentinin sözçüsü Lou Qinjian mətbuat konfransında ABŞ seçkiləri ilə bağlı suala cavab olaraq deyib: "Bu, ABŞ-ın daxili işidir. Kimin prezident olmasından asılı olmayaraq, ABŞ işləyə bilərik. Dövlətimizin eyni istiqamətdə, sabit, sağlam və davamlı Çin-ABŞ münasibətləri istiqamətində işləyə biləcəyinə ümid edirik”.
"Çin-ABŞ münasibətlərinin sabitləşdirilməsi və yaxşılaşdırılması hamının yaxından izlədiyi və görməyi gözlədiyi bir şeydir", - o əlavə edib.
