ABŞ-da insanı heyrətləndirən hadisə baş verib. 9 yaşlı uşaq ayaqqabısı belə olmadan evdən atılıb və aylardır it evində olduğunu deyib. Polisin yerindəcə tapdığı uşağın həyatının təfərrüatları qanı dondurub.
Oktyabrın 19-da it evində nazik ədyal və oyuncaqlarla tapılan oğlanı şoka salıb. O, atası, ögey anası, xalası və 4 bacısının qaldığı 1400 kvadratmetrlik evdə ona yer qalmadığı üçün küçəyə atıldığını bildirib.
32 yaşlı ata Jonathan Star və 40 yaşlı ögey anası Sarah Lynette Starrın həbsdə olduğu, uşaqların isə vicdanlarını ağrıdan hadisənin üzə çıxmasından sonra baxım mərkəzinə aparıldığı öyrənilib. Digər tərəfdən kiçik oğlanın evində ortaya çıxan fotolar faciənin miqyasını ortaya çıxarıb.
8 aylıq bacısı dünyaya gəldikdən sonra sosial mediada ailə fotolarından belə silinən uşağın yaşadıqlarının ətrafdakıların diqqətindən yayındığı öyrənilib. Ailədən uzaqlaşdırılan uşağın çöldə sağ qalmağa çalışdığı bildirilən xəbərdə, Davidson mahalının şerifi Riçi Simmonsun hadisəni izah edərkən "Daha əvvəl belə bir şey görməmişdim" ifadəsini işlətdiyi bildirilib.
