Liviyada təhlükəsizlik və məhkəmə orqanları ölkənin müxtəlif bölgələrində qanunu pozmaqda və "kriptovalyuta mədənçiliyi" prosesindən istifadə etməkdə günahlandırılan 50 çinli haqqında istintaq başladıb. Dünən Tripolinin Sərrac bölgəsində eyni məqsədlə istifadə edilən çox sayda avadanlıq ələ keçirilib.
Hafta.az-ın yazdığına görə, Liviya Baş Prokurorluğunun “gizli fabriklər” tərəfindən ələ keçirilən qərargahda 10 çinlinin kriptovalyuta ilə işləmək ittihamı ilə həbs edildiyini açıqlamasından sonra bu fəaliyyətlərin həyata keçirildiyi Misrata, Tripoli və Zlitendə məhbusların sayının 50-yə yüksəldiyi üzə çıxıb.
İstintaqın davam etdiyini deyən Liviya Baş prokurorunun müavini Əli Zübeydə təhlükəsizlik xidmətlərinin kriptovalyuta mədənçiliklə məşğul olduğu Misratada 3, Tripoli və Zlitendə isə bir yerin aşkar edildiyini bildirib.
Zübeydə Liviyanın "Əl-Əhrar" peyk kanalına deyib ki, cinayətkarlar cinayətlərini gizlətmək üçün Zlitendəki dəmir-polad zavodundan cəbhə olaraq istifadə ediblər, bu zavodun arxasında məhbuslar tərəfindən iş görülən qalay evlər və içərisində 25 min cihaz var.
-1781531564.jpg&h=173&w=263&zc=1&q=80)
