Amerikanın Meta korporasiyasının baş direktoru Mark Zukerberq amerikalı iş adamı və Twitter sahibi İlon Maskla rinqdə döyüşəcək. Zukerberq Instagram hesabında hekayəsində çağırışı qəbul etdiyini açıqlayıb.
Zukerberq və Mask arasında qarşıdurma Meta-nın Project 92 kod adlı rəqib Twitter proqramının işlənib hazırlanmasını elan etməsindən sonra başladı. “Tərtibatçılar və ictimai xadimlər ağıllı şəkildə idarə olunan proqramdan istifadə etməkdə maraqlıdırlar. Onlar məlumatı yaymaq üçün etibar edə biləcəkləri bir proqram istəyirlər,” Meta Korporasiyasının baş məhsul direktoru Chris Cox deyir.
Tvitterdəki paylaşımlarının birində Mask Meta direktoru ilə rinqdə döyüşmək arzusundan yazıb. Ciu-citsu ilə məşğul olan Zukerberq də öz növbəsində iş adamı ilə döyüşməyə hazır olduğunu açıqlayıb. Maskın təklifinə cavab olaraq "Yerin adını verin" deyib.
Tvitter sahibinin sözlərinə görə, o, gənc yaşlarında şiddətli küçə döyüşlərində iştirak edib və döyüşməyə hazırdır. “Morj adlandırdığım gözəl bir hərəkətim var. Mən sadəcə rəqibimin üstünə uzanıb heç nə etmirəm”, – Mask Twitter-də istehza ilə yazıb.
-1781531564.jpg&h=173&w=263&zc=1&q=80)
