Ukraynanın işğal olunmuş Melitopol şəhərində sərxoş işğalçı hərbçilər Rusiya Federal Təhlükəsizlik Xidməti (FTX- “FSB”) və komendatura əməkdaşlarıyla atışıblar.
Hafta.az xəbər verir ki, bu haqda “RİA-Melitopol” nəşri məlumat yayıb.
Şahidlərin sözlərinə görə, ruslar işğalçı komendatura yaxınlığındakı doqquzmərtəbəli mənzillərdən birində məskunlaşıb və saat 22:00-dan etibarən “gəzməyə” çıxıblar. Onlar əvvəlcə mahnı oxuyublar, sonra isə atəş açmağa başlayıblar.
Yerli sakinlər “polis” çağırsalar da, işğalçıların öhdəsindən gələ bilməyiblər. “Hərbi polis”, "FSB" və Rusiyanın digər hüquq-mühafizə orqanlarının əməkdaşları köməyə gəlib.
Buna cavab olaraq sərxoş işğalçılar onları “arxa cəbhə siçovullar”ı adlandıraraq “biz döyüşdük” deyə qışqırıblar. Bundan sonra atışma başlayıb. Nəhayət, “fatehlər” tutulub – mənzilin qapısı sındırılıb və bütün rus hərbçilər döyülərək naməlum istiqamətə aparılıb.
-1781531564.jpg&h=173&w=263&zc=1&q=80)
