Pakistanın Baş naziri Şahbaz Şərif İran Prezidenti Məsud Pezeşkianla Yaxın Şərqdəki vəziyyəti və ABŞ–İran danışıqlarının gedişatını müzakirə edib.
Hafta.az xəbər verir ki, bu barədə Şərif “X” sosial media platformasında paylaşım edib:
“Bu axşam Prezident Məsud Pezeşkianla regiondakı vəziyyətlə bağlı səmimi və konstruktiv müzakirə apardım. İranın danışıqlar prosesində iştirakını, o cümlədən tarixi danışıqlar üçün İslamabada səfər edən yüksəksəviyyəli nümayəndə heyətini və Tehranda Pakistanın Ordu Qərargah rəisi Asim Munirlə keçirilən son görüşləri yüksək qiymətləndirdim”.
O, həmçinin Pezeşkianı Səudiyyə Ərəbistanı, Qətər və Türkiyə liderləri ilə apardığı danışıqlar barədə məlumatlandırıb.
Şərif İran Prezidentini əmin edib ki, Pakistan tərəfdaşları və dostları ilə birlikdə regionda sülh və sabitliyin təşviqinə davam edəcək.
Qeyd edək ki, Pakistan ABŞ və İran arasında danışıqlarda vasitəçi kimi çıxış edir.
