Ermənistan baş naziri N.Paşinyan yeni müdafiə naziri Suren Papikyanla birgə silah alveri təşkil edəcək.
Hafta.az xəbər verir ki, bu iddia Ermənistanın “Hraparak” nəşrində irəli sürülüb.
Nəşr yazır ki, Ermənistanın ən məşhur silah alverçisi “Patron Davo" kimi tanınan iş adamı David Qalstyan olub. O isə hazırda həbsdədir. S.Papikyan da Paşinyanın ən etibarlı adamlarından biridir. Buna görə də onun əli ilə dünyada ən gəlirli sahələrdən olan silah biznesi qurmaq asan məsələdir...
Xatırladaq ki, 44 günlük savaşdan bir az öncə 2020-ci ilin iyulunda Rusiyanın “The Moscow Post” qəzeti Ermənistan baş naziri Nikol Paşinyanın gizli silah alveri və bu ticarətin Yerevan-Moskva münasibətlərini necə gərginləşdirdiyinə dair maraqlı araşdırma dərc etmişdi. Həmin materialda Paşinyanın silah alverində hətta Rusiya lideri Putinə də "atması”ndan bəhs olunmuşdu.
