“Avropa İttifaqının yeni seçilmiş rəhbərliyinin növbəti beş ili ərzində ittifaqın genişlənməsinin sonrakı böyük dalğasının həyata keçiriləcəyinə səmimi şəkildə ümid edirəm”.
Hafta.az-ın yazdığına görə, bu haqda Avropa İttifaqının Gürcüstandakı səfiri Pavel Herçinski jurnalistlərə deyib.
“Bu gün Avropa İttifaqının genişlənməsinə yönəlmiş çox mühüm tədbirimiz var. Çox şadam ki, müxtəlif ölkələrdən bir neçə analitik, ekspert və alim genişlənmənin sonrakı böyük dalğasını müzakirə etmək üçün Tbilisiyə gəlib. Bildiyiniz kimi, on ölkə Avropa İttifaqı üzvlüyünə namizəddir. Gürcüstan da onlardan biridir. Hər bir ölkənin öz çağırışları var. Proses davam edir. Avropa İttifaqı gələcək rəhbərliklə bağlı indilərdə qərar qəbul edib. Təbii ki, Avropa İttifaqının növbəti rəhbərliyi böyük iddialarla başlayacaq. Genişlənmə Avropa İttifaqının əsas çağırışlarından biridir və ittifaqın yeni seçilmiş rəhbərliyinin növbəti beş ili ərzində genişlənmənin sonrakı böyük dalğasının həyata keçiriləcəyinə səmimi şəkildə ümid edirəm. Gürcüstanın Avropa İttifaqının genişlənməsinin sonrakı böyük dalğanın bir hissəsi olub-olmayacağı hələ də bəlli deyil. Belə olacağına səmimi şəkildə ümid edirəm və Gürcüstanın ittifaqın sonrakı böyük genişlənməsinin bir hissəsi olması üçün oktyabr seçkilərindən sonra biz işə başlayacağıq”, - Pavel Herçinski bildirib.
Qeyd edək ki, Tbilisidə “Avropa İttifaqının genişlənməsi – geosiyasi ehtiyac və Avropa İttifaqına namizəd ölkələr üçün gələcək addımlar” mövzusunda ikigünlük beynəlxalq konfrans keçirilir.
