Belizdə polis rəisini öz tapançası ilə öldürən kanadalı sosialistin həbsdən azad edildiyi bildirilir.
Hafta.az-ın yazdığına görə, 34 yaşlı Jasmin Hartin 30 min funt sterlinq cərimə və 300 saat ictimai xidmətə cəlb edilib.
Xatırladaq ki, Jasmin Hartin aprel ayında polis rəisi Henri Kemmotun məhz 2021-ci il mayın 28-də qətlə yetirilməsində günahını etiraf etmişdi. Rəis başından aldığı bir güllə yarasından ölmüşdü.
Hartin Böyük Britaniyanın tanınmış iş adamı Lord Maykl Aşkroftun oğlu Endrü Eşkroftun keçmiş ortağıdır.
Beliz Ali Məhkəməsi tərəfindən verilən hökmə əsasən, Hartin 12 ay ərzində 30 min funt sterlinq ödəməlidir, əks halda 12 aylıq potensial həbs cəzası gözləyir,
“Breaking Belize News”a görə, o, həmçinin sərxoşluq və odlu silahla səhv davranma təhlükələrinə qarşı videoxəbərdarlıq etməlidir.
Qeyd edək ki, Kemmotun ölümü zamanı Hartin və Aşkroft iki övladı ilə Belizdə yaşayırdılar.
İstintaq və cinayət işi zamanı məlum olub ki, dost olduqları bilinən Hartin və Kemmotun öldüyü gecə Ambergris Caye adasında birlikdə məclisdə olublar.
Polisin dediyinə görə, iki nəfər estakadaya çatmazdan əvvəl çimərlikdə gəzintiyə çıxıblar. Bir anda Kemmott silahını bir kənara qoymaq üçün ona verib.
Daha sonra o, müstəntiqlərə içki içdiyini və polis rəisinin onu geri istəyib və Hartin onu qaytararkən ehtiyyatsızlıqdan atəş açılıb.
Polis Hartini körpünün yaxınlığında qan içində və çaşqın halda görüb. Kemmottun cəsədi isə San Pedro yaxınlığındakı sahildə tapılıb. Beləliklə, Hartin ehtiyatsızlıqdan adam öldürməkdə ittihamlandı və nəticədə 2023-cü ilin aprelində günahını etiraf etdi.
Beliz cinayət məcəlləsinə görə, ehtiyatsızlıqdan adam öldürməyə görə maksimum həbs cəzası beş ildir.
