İlin ilk 5 ayında Rusiyada 14,7 milyon istehlak kreditindən istifadə edilib.
Hafta.az-ın RİA-ya istinadən yazdığına görə, bu rəqəm ötən illə müqayisədə 2,2 dəfə artıb. Məlum olub ki, istifadə olunan kreditlərin ümumi həcmi 2,83 trilyon rubl və ya 32 milyard dollardır.
Təkcə may ayında istifadə olunan kreditlərin sayı 3,5 dəfə artaraq 3,4 milyona çatıb. Bu isə 660,2 milyard rubl deməkdir.
“Skoring Byuro” şirkətinə bağlı analitiklər, xəbər mövzusuna dair məlumatları paylaşaraq, may ayında istifadə edilən orta kredit məbləğinin 16,7 faiz artaraq 192,5 min rubla (2160 dollar) çatdığını bildirirlər. Digər tərəfdən, kreditlərin ödəmə müddəti 8,5 faiz azalaraq 27,3 aya düşüb.
Ekspertlər vurğulayırlar ki, istehlak kreditləri seqmentində 90 gün və daha çox vaxtı keçmiş kredit borclarının nisbəti mayın sonunda 3 faiz artaraq 12,5 faiz olub.
-1781531564.jpg&h=173&w=263&zc=1&q=80)
