Şahzadə Harri 6 il rəhbərlik etdiyi Fondun ötən il idarə heyətinin üzvü olub.
Hafta.az-ın "The Mail on Sunday"a istinadən yazdığına görə, Afrikanın 12 ölkəsində fəaliyyət göstərən fond hökumətlərlə əməkdaşlıq edərək meşə sahələrini və milli parkları idarə edir, vəhşi təbiəti xilas etmək üçün yerli icmalarla işləyir.
Donorları arasında bir çox məşhur iş adamının da yer aldığı fondun adı qəbilələrdə və yağış meşələrində yaşayan yerli insanlara qarşı döyülmə və cinsi təcavüz iddiaları ilə gündəmə gəlib.
Fondun 2010-cu ildən bəri idarə etdiyi Konqodakı Odzala-Kokoua Milli Parkında yaşayan Baka xalqı iddia edir ki, yüzlərlə ildir tibbi məqsədlərlə istifadə üçün də daxil olmaqla, balıq tutduqları, ov ovladıqları və bitki topladıqları meşələrə daxil olmağa indi fondun əməkdaşları icazə vermirlər.
Adı açıqlanmayan “Baka” camaatının üzvü fond işçiləri tərəfindən əli qandallı halda başının suya salındığını desə də, adı açıqlanmayan fəal “Baka” camaatının bir üzvünün saxlanıldığını, döyüldükdən sonra aldığı xəsarətlərdən və yaraları müalicə olunmadığı üçün həbsdə saxlanılarkən öldüyünü söyləyib.
Fəal doğuşdan sonra qadına qarşı cinsi təcavüz iddialarından da danışıb və bir yeniyetmə oğlanın fondun əməkdaşı tərəfindən fahişəliyə məcbur edildiyini deyib.
Doğuşdan sonrakı qadın məhkəmədə qaldırdığı məsələyə görə layiq olduğu 1300 funt sterlinqlik təzminatın böyük hissəsini almadığını, təcavüzkarın çox qısa müddətə həbs olunduğunu iddia edib.
Sui-istifadə məsələsini ört-basdır etmək üçün tibb işçilərinin qorxudulduğu iddiası da xəbərlərdə yer alıb.
Fondun məsələ ilə bağlı verdiyi açıqlamada Konqo hökuməti və yerli əhali ilə bununla bağlı iş aparıldığı, iddiaların ciddiyə alındığı və diqqətlə araşdırılacağı vurğulanıb.
Şahzadə Harrinin idarə etdiyi digər bir fond olan “Archewell” isə məsələ ilə bağlı açıqlama verərək, Susseks hersoqu hadisələrdən xəbərdar olduğunu, fondun top meneceri və idarə heyətinin sədrinə lazımi addımları atmaları üçün xəbərdarlıq etdiyini deyib.
Xəbərdə Şahzadə Harrinin Afrikanın yerli xalqlarının hüquqları üçün fəaliyyət göstərən “Survival International” qeyri-hökumət təşkilatı tərəfindən xəbərdarlıq edildiyi və bu mövzuda ona məktub yazdığı bildirilib.
Məktubda pis rəftar, işgəncə və cinsi təcavüzlərin sayı nəzərə alınaraq bunun bir neçə adamın anormal davranışı olmadığına diqqət çəkilərək, Şahzadə Harridən onların qarşısını almaq üçün təsirindən istifadə etməsi istənilib.
Survival International-ın məktubuna cavab verən Afrika Parkları Fondunun prezidenti Peter Fernhid baş verənlərə dözə bilməyəcəklərini və lazımi addımların atıldığını bildirib.
