Beynəlxalq Kənd Təsərrüfatının İnkişafı Fondunun (IFAD) prezidenti Alvaro Lario xəbərdarlıq edib ki, iqlim dəyişikliyi böhranları nəzarət altına alınmalı, qida və su qıtlığına göz yumulmamalıdır.
Hafta.az-ın yazdığına görə, Lario bildirib ki, Səudiyyə Ərəbistanı Birləşmiş Millətlər Təşkilatının agentlikləri üçün, xüsusilə İFAD-ın kənd təsərrüfatının inkişafı planları baxımından prinsipial əhəmiyyət kəsb edir.
IFAD-ın Cizan bölgəsində bir inkişaf layihəsi həyata keçirdiyini bildirən Lario, deyib ki, gələcəkdə başqa layihələri də icra edəcəklərinə inanır.
Səudiyyə Ərəbistanının iqlim dəyişikliyi və ətraf mühitin çirklənməsi ilə mübarizədə beynəlxalq strategiyaya uyğun olaraq böyük səylər göstərdiyini izah edən Lario “Bu mövzuda IFAD yanaşmasına uyğun kənd təsərrüfatının inkişaf planlarını dəstəkləməklə yanaşı, məsələn, 2012-ci ildə iqtisadi inkişaf planlarını dəstəkləmək kimi dəyərli təşəbbüslərə start verdi. Bu tşəbbüslərə misal olaraq Yaşıl Səudiyyə Ərəbistanı və Yaşıl Yaxın Şərq təşəbbüsünü göstərə bilərik” deyib.
Lario, IFAD-ın ərzaq təhlükəsizliyinin dəstəklənməsinə verdiyi töhfə ilə yanaşı, kənd təsərrüfatı sektoruna sərmayə qoyuluşu, sektorun inkişafı və səmərəliliyinin artırılması sahələrində Səudiyyə Ərəbistanı ilə tərəfdaşlığını gücləndirməyə çalışdığını və Kənd Təsərrüfatının İnkişafı Fondu kimi müvafiq Səudiyyə qurumları ilə təcrübə mübadilə etməyə hazır olduğunu bildirib.
Əsas iqlim hadisəsinin həllinə diqqət çəkən Lario, “Bu, bir çox hökumətləri, özəl sektor qurumlarını və vətəndaş cəmiyyətini bir araya gətirən, bəzi potensial maliyyə həllərinin görülə biləcəyi təcili bir hadisədir və təkcə danışmaq deyil, həm də bu həllər üçün maliyyə tapmaq vacibdir" deyib.
Dünyada baş verən böhran və qarşıdurmaların insanların iztirablarının artmasına və can itkisinə səbəb olduğunu ifadə edən Lario, “Ümidini itirmək qəbuledilməzdir. Ona görə də qüvvələri birləşdirib münaqişələrin kökünə varmağın vaxtı çatıb”, - deyə bildirib.
Aclığın bəzən münaqişənin səbəbi, bəzən də nəticəsi olduğuna diqqət çəkən IFAD prezidenti “Ona görə də humanitar yardımdan daha çox sərmayə qoymağımız və insanlara gələcəyə ümid bəsləməyimiz, məhsuldar yaşamaq imkanı verməmiz vacibdir” deyib.
