Taliban Hərəkatına bağlı dini polis bir daha Kabildəki şadlıq saraylarının sahiblərini toy və ya oxşar tədbirlərlə bağlı dövlətin qərarlarına zidd olan musiqi və fəaliyyətlərdən çəkinməyə çağırıb.
Hafta.az-ın DPA-ya istinadən yazdığına görə, Əxlaqsızlığın Yayılmasının Qarşısının Alınması Nazirliyi dünən internetdə yayımlanan açıqlamada bunun şadlıq evinin sahibləri ilə görüşdə müzakirə edildiyini bildirib. Vurğulanıb ki, şadlıq saraylarının sahibləri nazirliyin elan etdiyi müddəaların tam şəkildə həyata keçirilməsi üzərində çalışmalıdırlar.
Taliban daha əvvəl şadlıq saraylarının sahiblərinə musiqi ifa etməkdən çəkinmələrini bildirsə də, göstərişlərə hər yerdə əməl edilməyib.
Çoxları tərəfindən şadlıq saraylarına tələbat yoxdur, çünki bahalı toylar ailələrə maddi təzyiq göstərir. Bir çox bəy və gəlinlər baha başa gəldiyi üçün şadlıq sarayında toy etmək istəmir.
Kabildə adının açıqlanmasını istəməyən dəbdəbəli toy evinin meneceri DPA-ya bildirib ki, onların kişilər və qadınlar üçün ayrıca zalları var. Eləcə də mühafizəkar cəmiyyətlərdə yayılmış adətlər üzrə qadınların salonuna xüsusi ofisiant və fotoqraflar ayrılıb.
Şadlıq sarayının sahibi həmçinin “Toyda musiqi yoxdursa, toyla yas mərasiminin nə fərqi var?” sualını da verib.
2021-ci ilin avqustunda musiqinin İslama zidd olduğunu bildirən Taliban yenidən hakimiyyətə gəldikdən sonra bir çox qadın sənətçi və musiqiçi Əfqanıstanı tərk edərək başqa ölkələrə sığınmaq məcburiyyətində qalıb.
-1781531564.jpg&h=173&w=263&zc=1&q=80)
