Antalya Diplomatiya Forumunda çıxış edən Türkiyənin xarici işlər naziri Hakan Fidan ABŞ prezidenti Donald Trampın Ankaraya mümkün səfəri ilə bağlı açıqlamalar verib. Fidan, "Hazırda dəqiq bir vəziyyət yoxdur. Danışıqlar davam edir. Görüşün Türkiyədə, yoxsa ABŞ-da olacağı ilə bağlı işlər aparılır" deyib.
Hafta.az-ın yazdığına görə Tramp açıqlamalarında prezident Ərdoğanla ikitərəfli münasibətlərinə diqqət çəkməyə davam edir. Trampla Ərdoğanın görüşünün iki ölkə münasibətlərinə necə təsir edəcəyi maraq doğurur. DİPAM rəhbəri Dr. Tolga Sakman deyib ki, Yaxın Şərq və Avropada baş verən kritik inkişaflardan sonra Türkiyənin atmağa çalışdığı liderlik addımları Trampın Türkiyəyə olan marağı ilə birləşdikdə daha da güclənib. Xüsusilə ABŞ-ın Avropanın təhlükəsizliyindən geri çəkiləcəyi təəssüratı və Yaxın Şərqdəki münaqişələrdə Amerikanın maraqlarının dəyişməsi ilə bağlı fərqli həll yolları axtarışı Türkiyənin meydana çıxmasına imkan verir. “Avropa təhlükəsizliyinin yeni aktyoru və eyni zamanda, uzun müddətdir ki, Trampın Türkiyəyə prioritet səfərləri, Avropanın hər hansı digər dövlətindən əvvəl Türkiyə ilə görüşməsi və ya münasibətlərini dərinləşdirdiyi Körfəz ölkələri ilə birlikdə Ankaraya səfəri, Yaxın Şərqdə müxtəlif mesajlar verdiyini, lakin uzun müddətdir həyata keçirməyə çalışdığı sabit coğrafiyanın aparıcı aktyoru olmaq cəhdi var. Görürük ki, Türkiyə Xarici İşlər Nazirliyi bu mesajlardan istifadə etməyə hazırdır” deyən Sakman, bildirib ki, Trampın Yaxın Şərq siyasətini həyata keçirməsi üçün tərəfdaşlara ehtiyacı var. Bu səbəbdən də hər vəziyyətdə birlikdə çalışdığı İsrail də Yaxın Şərq siyasətində ABŞ üçün bir düyün yaradır.
“Onun Körfəz ölkələri ilə münasibətlərinin yaxşı olduğunu bilirik, lakin bu münasibətlərin demək olar ki, tamamilə iqtisadiyyat üzərində qurulduğu da bəllidir. Onun Türkiyə kimi dövlətə ehtiyacı var ki, bütün ölkələrə təsir göstərə bilsin. Türkiyə kimi bir dövlətin həm İranla qarşı-qarşıya qaldığı, həm də Körfəz ölkələri ilə eyni masaya oturduğu zaman onun tərəfində olması lazım olduğunu, bunu müxtəlif səbəblərdən Türkiyəni və prezidentini tərifləməsindən də anlaya bilərik. Məsələnin İranla rəqabətdə qaynar münaqişəyə çevrilmədən həlli üçün də Türkiyə kimi güclü bir vasitəçiyə ehtiyac duyulur”, - deyib Sakman.
Trampın prezident Ərdoğana marağının iki ölkə münasibətlərinə necə təsir edəcəyi ilə bağlı danışan müsahib deyib ki, Tramp lider diplomatiyasını sevən prezidentdir. Bu səbəbdən o, güclü liderlərlə işləməkdən xoşbəxtdir. O, ilk növbədə liderlər vasitəsilə ikitərəfli əlaqələr qurur və bunun diplomatik kanallara yayılmasını təmin edir. Bu səbəbdən görüşə özünü və ya prezident nümayəndəsini göndərməyə üstünlük verir. Sakman əlavə edib ki, Tramp, Ərdoğanla əvvəllər də güclü əlaqələr qurmuşdu və indi də bu sevgidən istifadə edə biləcəyini düşünür. Tramp ikitərəfli münasibətlərə də tənqidi yanaşır, başqa sözlə, hətta ən yaxşı münasibətlər mövcud olduqda belə, bir anda onlara xələl gətirə biləcək bir addım ata və ya bəyanat verə bilər.
