Səudiyyə Ərəbistanının turizm naziri Əhməd əl-Xatib 2024-cü ilin birinci yarısında ölkəyə gələn turistlərin sayının 60 milyona çatdığını və ümumilikdə 150 milyard rial xərclədiklərini açıqlayıb.
Hafta.az-ın yazdığına görə, o, hazırda Krallığın ÜDM-nin 3 faizini təşkil edən turizm sektorunun inkişafına sadiqliyini vurğulayaraq bildirib ki, turizm hazırda dünya iqtisadiyyatının 10 faizini təşkil edir.
Əl-Xatib, Səudiyyə Ərəbistanının 2023-cü ildə təxminən 109 milyon səyahətçini, o cümlədən 27 milyon beynəlxalq turisti qəbul etdiyini, ölkəni turistlərin sayına görə dünya miqyasında 11-ci yerdə olduğunu açıqlayıb.
Əl-Xatib Səudiyyə Ərəbistanında turizm artımının 2019-cu illə müqayisədə 153 faizə çatdığını və onu G20 ölkələri arasında ən sürətlə inkişaf edən ölkələrdən biri etdiyini bildirib.
Nazir həmçinin qeyd edib ki, turizm sektoru hazırda yerli iqtisadiyyata təxminən 5 faiz töhfə verir. Hökumət bu rəqəmi 10 faizə çatdırmağı planlaşdırılır ki, bu da 600-700 milyard riala ekvivalentdir.
Səudiyyə Ərəbistanının 2024-cü il yay mövsümü ilə bağlı təfərrüatları izah etmək üçün tarixi Əbu Sərrah saraylarında keçirilən mətbuat konfransında əl-Xatib deyib: “Səudiyyə Ərəbistanı müxtəlif tarixi və turistik yerləri özündə cəmləşdirən bir qitə kimidir. Biz Krallığın qapılarını dini və işgüzar məqsədlərdən kənarda araşdırmaq istəyən ziyarətçilərə açdıq”.
O, Krallığın inanılmaz insan resurslarını yüksək qiymətləndirərək bildirib ki, gənc kişi və qadınlar yerli mədəniyyəti gələcək qonaqlara çatdıracaqlar.
Əl-Xatib vurğulayıb ki, müvafiq qurumlarla əməkdaşlıq turizm sektorunun uğurunun əsas səbəbidir.
"Səudiyyəlilər bütün cəbhələrdə öz mükəmməlliyini sübut etdilər. Səudiyyəliləri turizm sektorunda gücləndirmək üçün nazirlik 100 min təlim kursu təşkil edib və maaşları 6 min riala qədər artırıb, 1500 şəxs rəhbər vəzifələrə təyinat alıb", - nazir qeyd edib.
