İspaniyadakı sol koalisiya hökumətinin Fələstin dövlətinin tanınması üçün eyni anda 4 ölkə ilə ortaq qərar verməyi planlaşdırdığı öyrənilib.
Hafta.az-ın yazdığına görə, İspaniya Xarici İşlər Nazirliyindəki mənbələr AA müxbirinə bildiriblər ki, baş nazir Pedro Sançes və xarici işlər naziri Xose Manuel Albaresin dəfələrlə dilə gətirdiyi Fələstin dövlətinin tanınması təşəbbüsünün qısa zamanda həyata keçirilməsi planlaşdırılır və İspaniya 4 ölkə ilə birgə fəaliyyət göstərməsi gözlənilir.
İspaniyanın Malta, İrlandiya, əvvəlki birgə bəyanatlarında uyğun şərtlər olduğu halda Fələstin dövlətini tanıyacağını vəd edən Sloveniya və bu təşəbbüsü dəstəklədiyini açıqlayan Norveçlə birgə hərəkət edəcəyi gözlənilir.
"Yamaykadan sonra dünyada Fələstin dövlətini tanıyan ölkələrin sayı 140-dır. İspaniya və digər ölkələrin də iştirakı ilə bunun 145-ə yüksələcəyini düşünürük". Mənbələr bildiriblər ki, bu qərardan sonra gözləntiləri tərəflərə daimi atəşkəs elan etmək üçün təzyiqləri artırmaq olub.
Mənbələr, "Fələstin dövlətinin tanınması həm İspaniya hökumətinin, həm də seçkidən əvvəl və sonra baş nazir Sançesin vədidir. Ümid edirik ki, bu, tərəfləri yenidən danışıqlar masasına oturtmağa xidmət edəcək. Bu, böyük strategiyadır və indi doğru zamandır, daha çox gözləmək lazım deyil” deyə bildiriblər.
Mənbələr qeyd ediblər: "Qısa müddətdə prioritet dərhal daimi atəşkəs, girovların qeyd-şərtsiz azad edilməsi və bölgəyə humanitar yardımın qeyd-şərtsiz daxil olması olacaq. Uzunmüddətli perspektivdə iki dövlətli həllə əsaslanan dönməz yolu, bölgədə sülh, rifah və təhlükəsizlik üçün yeganə seçim olaraq görürük. Bu, Fələstin xalqının ümidini və İsrailin təhlükəsizliyini təmin etmək üçün lazımdır”.
Lazım olan tək şeyin siyasi cəsarət olduğunu vurğulayan qaynaqlar, "Qəzzənin yenidən qurulması üçün böyük iqtisadi plan lazımdır. İspaniya və Aİ mütləq bu işdə iştirak edəcək. Qəzzanın regional əlaqələri açılmalıdır. Bunun üzərində işləmək lazımdır. İsrailin qanuni hüququ olan hər hansı tələsik zəmanət də verilməlidir" deyib.
Yaxın Şərq üçün hazırkı vəziyyətdə "ümumi baxışın müharibənin davam edəcəyi" olduğunu ifadə edən mənbələr, "Qəzzada birinci dərəcəli humanitar fəlakət yaşandığını və hər gün Livanda baş verən hadisələrdən çox narahat olduqlarını" vurğulayıblar.
-1781888309.jpg&h=173&w=263&zc=1&q=80)
