İsrail rəsmiləri Livanın paytaxtı Beyrutda İsrail Müdafiə Qüvvələrinin (İMQ) əməliyyatlarını genişləndirmək üçün Vaşinqtonun razılığını almağa çalışırlar.
Hafta.az xəbər verir ki, İsrailin yüksəkvəzifəli rəsmiləri ABŞ administrasiyasının nümayəndələri ilə görüşlərdə İMQ-nin Beyruta qarşı əməliyyatlarının genişləndirilməsinə dəstək verilməsini xahiş ediblər.
Mənbələr bildiriblər ki, İsrail tərəfi həm Vaşinqton–Tehran, həm də İsrail–Livan danışıqlarında irəliləyiş əldə olunmamasını nəzərə alaraq ABŞ-nin bu məsələdə müsbət mövqe tutacağına ümid edir.
Bazar günü İsrailin Baş naziri Benyamin Netanyahu ölkəsinin Livandakı hərbi əməliyyatlarının genişləndiriləcəyini açıqlayıb. Onun sözlərinə görə, kampaniya daha uzun çəkə bilər, lakin məqsəd İsrailin şimal bölgələrində təhlükəsizliyi bərpa etməkdir./“The Jerusalem Post”/
