Almaniya Federal Statistika İdarəsi (Destatis) 2023-cü ildə əhalinin artımı ilə bağlı aparıcı məlumatları açıqlayıb.
Hafta.az-ın yazdığına görə, müvafiq olaraq, xaricdən gələn immiqrasiyanın təsiri ilə ölkə əhalisi 2023-cü ildə 300 min nəfər artaraq rekord səviyyəyə - 84,7 milyon nəfərə çatıb. “Destatis”, bu artımın 2012-2021-ci illərdə görülən orta göstəricilərə paralel olsa da, ukraynalı qaçqınların sığınacaq istəmək üçün Almaniyaya gəldiyi 2022-ci ilə nisbətən olduqca zəif olduğuna diqqət çəkib.
Yalnız 2022-ci ilin birinci yarısında Almaniyaya gələn ukraynalılar əhalinin sayını 740 min nəfər artırıb.
Bundan əlavə, “Destatis” 2023-cü ildə Almaniyaya xalis miqrasiyanın 680 min ilə 710 min nəfər arasında olacağını açıqlayıb. 2022-ci ildə ölkəyə xalis miqrasiya 1,46 milyon olaraq qeydə alınıb.
“Destatis” Almaniyada keçən il 680 min ilə 710 min arasında doğum və 1 milyon 20 min ölüm olduğunu təxmin edib.
Ölkəyə xalis miqrasiya aşağı doğum səviyyəsini və əhalinin qocalmasını kompensasiya edib. 2023-cü ildə əvvəlki ilə nisbətən doğum nisbəti 7 faiz, ölüm nisbəti isə 4 faiz azalıb.
Alman iqtisadiyyatı əhalinin qocalması səbəbindən hər il yüz minlərlə ixtisaslı mühacirə ehtiyac duysa da, hökumətin vətəndaşlıq almağı asanlaşdıran islahatlarla xarici işçilərə ehtiyacı aradan qaldırdığı ölkədə immiqrasiya mübahisəli problem olaraq qalmaqda davam edir.
