Belarus ordusuun raket qoşunları təlimlərə başlayıb. Təlimlər çərçivəsində onlar Rusiyanın “İsgəndər-M” əməliyyat-taktiki kompleksləri tərəfindən raket zərbələri endirilməsini məşq edir.
Hafta.az “UNİAN”a istinadla xəbər verir ki, bu barədə Belarus Müdafiə Nazirliyinin mətbuat xidməti məlumat yayıb.
"Raket zərbələrinin idarə olunması üzrə sınaq təlimi çərçivəsində Silahlı Qüvvələrin Raket Qüvvələrinin bölmələri döyüş hazırlığı tapşırıqlarını yerinə yetirməyə başlayıb. Nəzarət manevrində Silahlı Qüvvələrin Raket Qoşunlarının "İsgəndər-M” operativ-taktiki raketi ilə təchiz edilmiş bölməsi iştirak edir", - məlumatda belə deyilir.
Hərbi idarədən bildirildiyinə görə, raketçilər “döyüş əməliyyatlarının hazırlanması və aparılması məsələlərini” həll etməlidirlər. Xüsusilə, belaruslar “həm adi, həm də xüsusi texnika ilə” raket zərbələrini hazırlamaq və birbaşa vurmaq üçün təlim keçirlər.
