Səudiyyə Ərəbistanının vəliəhd şahzadə və baş naziri Məhəmməd bin Salman bin Əbdüləziz su problemlərini həlli üçün baş ofisi Ər-Riyadda yerləşən Qlobal Su Təşkilatının yaradıldığını elan edib. Bu təşkilat su problemlərinin hərtərəfli həlli yollarını tapmaq üçün ölkələrin və təşkilatların səylərini gücləndirmək və inteqrasiya etmək məqsədi daşıyır.
Hafta.az-ın yazdığına görə, təşkilat su ehtiyatlarının davamlılığını təmin etmək və hər kəsin bu resurslara çıxış imkanlarını artırmaq üçün texniki təcrübənin, innovasiyaların, tədqiqatların və inkişafın paylaşılması və təşviqi, keyfiyyətli prioritet layihələrin yaradılmasını təmin etmək və onların maliyyələşdirilməsini asanlaşdırmaq üçün çalışacaq.
Bu təşəbbüs Krallığın dünya miqyasında su problemlərinə həlli yollarının tapılmasında rolunun və onun ekoloji davamlılıq məsələlərinə sadiqliyinin təsdiqidir. Ər-Riyad bu addımı suyun istehsalı, daşınması və paylanması sahəsində onilliklər boyu qabaqcıl qlobal təcrübəyə və onun üzləşdiyi problemlərə texniki həllərin tapılmasına verdiyi töhfəyə və su məsələlərini beynəlxalq gündəliyə salaraq atıb. Ər-Riyadın töhfələrinə dünyanın 4 qitəsindəki ölkələrə su və kanalizasiya layihələri üçün 6 milyard dollardan çox maliyyə yardımı daxildir.
Məqsədlərinə nail olmaq üçün Qlobal Su Təşkilatı su həlləri sahəsində səmərəli təcrübəyə malik ölkələrlə, eləcə də su problemi ilə üzləşən ölkələrlə işləyəcək və öz milli gündəmlərində müvafiq layihələrə üstünlük verəcək.
Dünya əhalisinin 9,8 milyard nəfərə çatacağı və 2050-ci ilə qədər qlobal suya tələbatın iki dəfə artacağı təxmin edilir. Təşkilat hamı üçün təhlükəsiz və davamlı su gələcəyinə yol açmaq üçün üzv dövlətlərlə birgə səylər vasitəsilə davamlı inkişaf məqsədlərinə nail olunmasına töhfə verməyə çalışır.
