Bir məşhurun ev heyvanı ailənin tam üzvüdür və onun sahibi ilə eyni imtiyazlara malikdir.
Hafta.az-ın yazdığına görə, onların ad günləri qeyd edilir, dəbdəbəli salonları gəzib-dolaşırlar, şəxsi "bərbərləri” olur, yüksək keyfiyyətli yeməklər yeyirlər və sair.
Bəs bunlar hansı məşhurlardır? Bəzilərini araşdıraq:
Oprah Uinfri
Amerikalı teleaparıcı itləri sevir, onun Sadie, Sunny və Lauren adlı itləri var. Bundan əvvəl jurnalistin qızıl retriever və spaniel heyvanları olub.
"Həyatdakı əsas müəllimlərimdən biri itim Sofidir. 13 il yaşadı, hər gün mənimlə işə gedirdi. Bütün şoularda, “Oskar”, “Emmi” alanda da, hamiləykən bətnimdəki dölümü itirəndə də məni maşında gözləyirdi. O öləndə anladım ki, həyatımda heç kim məni o it kimi sevməyib”, - Uinfri deyib.
Yeri gəlmişkən, 2008-ci ildə o, Sofiyə həsr olunmuş şou yaradıb. Hazırda Uinfri ev heyvanlarını sevir və onlara qayğı göstərir. Jurnalist onlar üçün fond təşkil edib - hər it üçün 30 milyon dollar ayırıb.
Miley Sayrus
“Hannah Montana” serialının ulduzu da heyvanları sevir. Miley itlərə, pişiklərə və qvineya donuzlarına qulluq edir.
O, tez-tez itləri gəzdirir, lakin heyvanlar avtomobilin oturacaqlarını çirkləndirdiyinə görə müğənni onlara 160 min dollarlıq “Range Rover” alıb - indi onlar istədikləri hər şeyi edə bilərlər. Ulduz həmçinin qastrol səfərində heyvanlara baxmaq və onları cədvələ uyğun qidalandırmaq üçün baxıcı tutub.
“Mənim gözəl ev heyvanlarım var ki, onlarla vaxt keçirməkdən zövq alıram. Mən pianoda ifa edəndə heyvanlarım başlarını aşağı salıb məni diqqətlə dinləyirlər”,- o deyib.
Karl Lagerfeld
Lagerfeld heç vaxt evlənməyən və övladı olmayan alman modelyeridir. Buna görə də o, bütün sevgisini birma pişiyi Şopettə (fransızca kələm) həsr edib.
Ömrünün son illərində onun əsas ilham mənbəyi pişiyi olub. Bundan əlavə, pişik sahibinə 3 milyon avrodan çox pul qazandıran fotosessiyalarda iştirak edib. Dizayner öz pişiyi haqqında "Şupette: Uçan moda pişiyin şəxsi həyatı" adlı kitab yazıb və onun üçün sosial şəbəkələrdə şəxsi hesab açıb, şəxsi təyyarə, oynamağı sevdiyi planşet aldı və bunun üçün xüsusi texniki işçilər tutdu. Məlum olub ki, dizayner ölümündən sonra bütün sərvətini pişiyinin adına keçirib.
Ariana Qrand
Amerikalı müğənni və Grammy mükafatı laureatı bir ev heyvanı ilə məhdudlaşmır. Onun Piggi adlı bir qvineya donuzu, Dəvəquşu adlı bir teriyeri, Sineman adlı pitbulası, Tuluza adlı çihuahua və Pignoli, Opelia və Sirius adlı labradudlesi var.
Ariana gələcəkdə daha bir neçə ev heyvanı almağı planlaşdırır. O, itlərin hər biri üçün şəxsi köməkçi tutub. Heyvanlar tez-tez onunla uçurlar, özü də biznesklasda.
Yeri gəlmişkən, Piggiyə üç köməkçi baxır. Onlar hər gün qvineya donuzunun qarnını masaj edir, günortadan sonra qəlyanaltı üçün şirniyyatlar yedirdirlər.
